محفوظ کریں
Posts Tagged ‘Suna Hai Loog Usse Aankh Bhar Ke Dekhte Hain’
Suna Hai…
12/12/2011
تبصرہ چھوڑیں
Suna Hai Loog Usse Aankh Bhar Ke Dekhte Hain
So Uss Ke Sheher Mein Kuch Din Theher Ke Dekhte Hain
********
Suna Hai Boley Tou Baaton Se Phool Jhartey Hain
Yeh Baat Hai To Chalo Baat Kar Ke Dekhte Hain
********
Suna Hai Raat Ko Usse Titliyaan Sataati Hai
Suna Hai Raat Ko Jugnoo Theher Ke Dekhte Hain
********
Suna Hai Uss Ke Badan Ki Taraash Aisi Hai
Ke Phool Apni Qabaaein Katar Ke Dekhte Hain
********
Rukey To Gardishein Uss Ka Tawaaf Karti Hain
Chaley To Uss Ko Zamaaney Theher Ke Dekhte Hain
********
Kisse Naseeb Ke Be-Pairahan Usse Dekhey
Kabhi Kabhi Dar-O-Deewaar Ghar Ke Dekhte Hain
********
Kahaaniyaan Hi Sahi, Sab Mubaalghey Hi Sahi
Agar Woh Khawaab Hai, Taabeer Kar Ke Dekhte Hain
********
Judaaiyaan To Muqadder Hai Phir Bhi Jaan-E-Safar
Kuch Aur Door Zara Saath Chal Ke Dekhte Hain
********
Too Saamney Hai To Phir Kiyon Yaqeen Nahin Aata
Yeh Baar Baar Jo Aankhon Ko Mal Ke Dekhte Hain
********
Yeh Kaun Loug Hain Maujood Teri Mehfil Mein
Jo Laalachon Se Tujhey, Mujh Ko Jal Ke Dekhte Hain
********
Na Tujh Ko Maat Hui Hai Na Mujh Ko Maat Hui
So Ab Ke Donon Hi Chaalein Badal Ke Dekhte Hain
********
Buhut Dinon Se Nahin Hai Kuch Uss Ki Khair Khabar
Chalo Faraaz~ Ko, Aey Yaar Chal Ke Dekhte Hain
Advertisements
زمرے:Collection, Love Poems, Love Poetry, lovers pictures, Muhabbat Poetry, My Collection, NICE POETRY, Nice Poetry in Image, Poetry, poetry collection, poetry in urdu wallpapers, SAD POETRY, sad poetry in urdu wallpapers, urdu adab, urdu poetry
Beautiful Poetry, Collection, Collective Poetry, Love Poetry, Lovely Poetry, Muhabbat, Muhabbat Poetry, My Collection, NICE POETRY, Nice Poetry in Image, Picture Poetry, Poetry, poetry collection, SAD POETRY, sad poetry in urdu wallpapers, Sad Urdu Poetry, Selective Poetry, Suna Hai Loog Usse Aankh Bhar Ke Dekhte Hain, urdu, urdu adab, Urdu Love Poetry, urdu poetry